ಓ…. ಮನಸೇ

Share Button

ಮತ್ತೆ ಆವರಿಸಿತೇ ಕಳೆದು ಹೋಗಿದ್ದ ಪ್ರೀತಿ
ವಸಂತದ ತಂಗಾಳಿಯಂತೆ?,
ಸಿಂಗರಿಸಿತೇ ಮನದಾಗಸ ಬಣ್ಣದ
ಕಾಮನಬಿಲ್ಲಂತೆ ?.

ಹೆಜ್ಜೆ ಹೆಜ್ಜೆಗೂ ಬದುಕಿಲ್ಲಿ
ಗೊಂದಲದ ಗೂಡು,
ಹೇಗೆ ಹಾಡಬಲ್ಲುದು ಪ್ರೀತಿಯ ಹಕ್ಕಿ
ಮೈ ಮರೆತು ಹಾಡು ?.

ಎಲ್ಲಿ , ಏಕೆ ,ಹೇಗೆ ಅರಳಿತು
ಈ ಹೂ ಪ್ರೀತಿ ಮತ್ತೆ ?,
ಅರುಹದಿರು ಎಲ್ಲೂ
ಇದರ ವಿರುದ್ಧ ಇಡೀ ಜಗತ್ತೇ.

ಏಕಾದೆ ಮನಸೇ ಮಿಡಿವ ಹೃದಯಕ್ಕೆ
ಇಷ್ಟೊಂದು ಹತ್ತಿರ ?,
ಕಲ್ಲು ಮನ ಅರಿಯದು
ಪ್ರೀತಿ, ಪ್ರೇಮ , ಒಲುಮೆಯ ಸ್ನೇಹ ಬಂಧುರ.

ನನ್ನಲ್ಲೇಕೆ ಇಟ್ಟೆ ನೀ
ಇಷ್ಟೊಂದು ಭರವಸೆ ?,
ಮನವೆಂಬ ಮರ್ಕಟ ಬದಲಾಯಿಸಬಹುದು
ಕ್ಷಣ ಕ್ಷಣಕ್ಕೂ ತನ್ನ ಮುಖವಾಡ , ವರಸೆ.

ಮರೆತೇ ಇರುಳ ಕನಸಂತೆ
ನಾ ಎಲ್ಲಾ ಕಥೆ,
ಕೆದಕದಿರು, ನೆನಪಿಸದಿರು ಮತ್ತೆ ಮತ್ತೆ,
ಮರೆಯದಿರು ಆರಾಧನಾ ಲೋಕದೊಳಗೆ
ಎಂದೆಂದಿಗೂ……
ನೀ ನನ್ನ ದೇವತೆ.

–  ನಯನ ಬಜಕೂಡ್ಲು

4 Responses

  1. shashikala says:

    ಚೆಂದದ ಭಾವನೆಗಳು

  2. ವಿಜಯಾಸುಬ್ರಹ್ಮಣ್ಯ,ಕುಂಬಳೆ. says:

    ಭಾವ ತುಂಬಿದ ಹಾಡು.

  3. Shankari Sharma says:

    ನೆನಪ ಕೆದಕದಿರು… ಅರ್ಥಪೂರ್ಣ ಕವನ.

  4. Hema says:

    ‘ಮನವೆಂಬ ಮರ್ಕಟ ಬದಲಾಯಿಸಬಹುದು ಕ್ಷಣ ಕ್ಷಣಕ್ಕೂ ತನ್ನ ಮುಖವಾಡ , ವರಸೆ.’ ಇದು ಅಕ್ಷರಶ: ನಿಜ.. ಚೆಂದದ ಕವನ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: