ಅಂತದೇನಿದೆ ಇದರೊಳಗೆ

Share Button

ಏನೆಲ್ಲಾ ಅಡಗಿಸಿಕೊಂಡಿದೆ
ತನ್ನ ಮಡಿಲೊಳಗೆಲ್ಲ
ಸುಡುತಿದೆ ಜಗವ ತನ್ನ
ಆಧುನಿಕತೆಯ ಕಿಚ್ಚಿನಿಂದ
ಕಿಡಿ ಹಾರಿ ಸುಡುತಿದೆ ಜಗವ.
.
ಅವಸರದ ಹೆಜ್ಜೆಯ ಮೇಲೆ
ಸರಿವ ಬಂಡಿಯಂತೆ ಬದುಕು ಉರುಳುತಿದೆ
ಸಮಯದ  ಮಿತಿಯೊಳು ಸೆರೆಯಾಗಿ
ಬಲೆಯೊಳು ಸಿಲುಕಿದ ಮೀನಿನಂತೆ
ವಿಲವಿಲನೆ ಪದರುಗುಟ್ಟುತ!
ದಿಕ್ಕುತಪ್ಪಿದ ಹಾಯಿಯಂತೆ
,
ಅಲೆ ಅಲೆದು ಅಲೆಮಾರಿಯಾಗಿ
ಕಡೆಗೆ ಮೊಗದ ಮೇಲೆ
ಒತ್ತಡದ ಮಣಭಾರವ ಹೊತ್ತು !
ಇಳಿ ಸಂಜೆಯ ವೇಳೆಗೆ
ಮನೆಗೆ ಹಿಂತಿರುಗಿದರೆ
ಮೂಜಗವ ಮರೆತು
,
ಜಾಲಾಡುತಿರುವ ಜಾಡು ಹಿಡಿದು
ಅಂತದೇನಿದೆ, ಇದರೊಳಗೆ
ಆಧುನಿಕತೆಯ ಬಲೆಯೊಳಗೆ
ಕಾಲವೇ ವೇಗವಾಗಿರುವಾಗ
ಭೂತ, ಭವಿಷ್ಯ, ವರ್ತಮಾನದ
ಬಗ್ಗೆ ಚಿಂತಿಸದಿರುವಾಗ
,

ಮುಂದೊಮ್ಮೆ ನಾವೆಲ್ಲಾ
ಹಿಂದಿನ ಬದುಕಿನ
ಕನಸು ಕಾಣವ ಬದಲು
ಮನುಕುಲದ ನಾಶಕ್ಕೆ
ಆಧುನಿಕತೆಯ ಉರುಳು
ಪಾಶವಾಗಿ ಕೊರಳು
ಸುತ್ತಿಕೊಳ್ಳುವ ಮೊದಲು
ಎಚ್ಚೆತ್ತು ಕೊಳ್ಳಬೇಕಾಗಿದೆ.

-ಶ್ರೀನಿವಾಸ್  ಕೆ.ಎಂ. ರಾಮನಗರ ಜಿಲ್ಲೆ.

1 Response

  1. Nayana Bajakudlu says:

    ನಿಜ. ಲಂಗು ಲಗಾಮಿಲ್ಲದೆ ಓಡುತ್ತಿರುವ ಆಧುನಿಕತೆ ಪಾಶವೇ ಆಗುತ್ತಿದೆ . ಪ್ರಸ್ತುತ ಪರಿಸ್ಥಿತಿಯನ್ನು ಬಹಳ ಚೆನ್ನಾಗಿ ಪದಗಳಲ್ಲಿ ಸೆರೆ ಹಿಡಿದಿದ್ದೀರಿ ಸರ್ . ನೈಸ್

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: