ಸ್ವಾರ್ಥ ಸರಿಯೇ?

Share Button

ನಿಷ್ಠಾವಂತರಿಗೆ ಕಾಲವಿಲ್ಲ
ಲಂಚಕೋರರ ಸಾಮ್ರಾಜ್ಯದೊಳು
ಸತ್ಯವಂತರಿಗೆ ಜಾಗವಿಲ್ಲ
ಹುಸಿನುಡಿಗರ ಜಾಗದೊಳು

ಬಾನಿಂದ ಮಳೆ ಸುರಿಸಲು
ಭೂಮಿ ನೀಡಿತೆ ಲಂಚ
ತನ್ನ ಕಿರಣಗಳ ತಾ ವಿಸ್ತರಿಸಲು
ರವಿ ಬೇಡಿದ್ದೇನು ಕೊಂಚ

ಸೃಷ್ಟಿ ತನ್ನ ಕಾರ್ಯಗಳ
ನಿಷ್ಠೆಯಿಂದ ಮಾಡುತ್ತಿರಲು
ಇಲ್ಲೆ ಹುಟ್ಟಿದ ಹುಲು ಮಾನವನಿಗೆ
ಈ ದರಿದ್ರ ತೆವಲು

ಗಳಿಸಿದ್ದನ್ನೆಲ್ಲಾ ಜೊತೆಗ್ಗೊಯ್ಯುವಂತಿದ್ದರೆ
ಮಸಣದ ಗೋರಿಗಳೆಲ್ಲ
ತಾಜಮಹಲುಗಳಾಗುತ್ತಿದ್ದವು
ನಾವು ನೀವೆಲ್ಲ ದೇವರಾಗುತ್ತಿದ್ದೆವು

ಅನಾದಿಕಾಲದಿಂದಲೂ ಬೋಧಿಸಿ
ಜೀವನದ ಅರ್ಥ ಭೇದಿಸಿ
ಹೊರಲಾರದಷ್ಟಿದೆ ಗ್ರಂಥ ಕಾವ್ಯ ಅರಗಿಸಿಕೊಳ್ಳಲಾರ ನವ್ಯ
ಸಮುದ್ರದ ಒಂದೆರಡು ಹನಿ ವಿಷವಾದರೆ ಚಿಂತೆಯಿಲ್ಲ
ವಿಷದ ಕಡಲೆ ಆದರೆ ಸುತ್ತೆಲ್ಲ ಮನುಕುಲಕ್ಕೆ ಉಳಿವಿಲ್ಲ

-ಜ್ಯೋತಿ ಬಸವರಾಜ ದೇವಣಗಾವ್.

 

1 Response

  1. Nayana Bajakudlu says:

    ಬಹಳ ಸುಂದರವಾಗಿದೆ ಕವನ. ಪ್ರಸ್ತುತ ಪರಿಸ್ಥಿತಿಯ ಮೇಲೆ ಬೆಳಕು ಚೆಲ್ಲಿದೆ . ವೆರಿ ನೈಸ್

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: