ಕವಿತೆ  ಹುಟ್ಟುವ ಸಮಯ…

Share Button
ಮನದಾಳದ  ಭಾವಗಳು ಒಂದೊಂದೇ ಹೊರಹೊಮ್ಮಿ
ಮನಕೆ ತಂಪೆರೆಚಲು ಕವಿತೆ ಹುಟ್ಟಿತು ಅಲ್ಲೇ…………
ನಿಂತಲ್ಲೆ ಕುಳಿತಲ್ಲೆ ಬಗೆಬಗೆಯ ಭಾವದಲೆ
ಪದಗಳನು  ಜೋಡಿಸುತ ನೇಯ್ದು ಬಿಡಲೇ………
ಕೆಲವೊಮ್ಮೆ ಮನದಲ್ಲೆ ಮನೆ ಮಾಡಿ ನಿಲ್ಲುವುದು..
ಭಾವನೆಯೇ ಜೀವಾಳ ಕವಿತೆಗಳಿಗೇ. . ……..
ಗಾಳಿ  ಬಂದೆಡೆ ಚದುರಿ ಹೋಗದಿರಿ
ಭಾವಗಳೆ ನಿಲ್ಲಿ ಒಂದೆಡೆ ನಿಲ್ಲಿ
ಮನದ ಪದ ಪುಂಜಗಳೇ
ಹೊಳೆಹೊಳೆದು ಕಂಡಲ್ಲೆ ಮಾಯವಾಗದಿರೀ………
.
ಒಮ್ಮೊಮ್ಮೆ ಕವಿತೆಗಳು ಮಿಂಚಿ ಮರೆಯಾದರು
ಮನದಲ್ಲೆ ಸುಖಿಸುವೆನು ಚಿಂತೆಯಿಲ್ಲಾ………..
ಭಾವದಲೆ  ಅಲೆಯಾಗಿ ತೇಲಿತಲ್ಲ………….
ಯಾರದೂ ಹಂಗಿಲ್ಲ ಯಾರಿಗಿದು ಹೊರೆಯಲ್ಲ
ಎನ್ನದೆನ್ನದು ಎನಲು  ಮುತ್ತುರತ್ನಗಳಲ್ಲ……..
ಭಾವಗಳ ಒರತೆಯದು  ಭಾವ-ನಿಧಿಯೂ………….
ಮನದ ಭಾವಗಳೆಲ್ಲ ಚದುರಿದರು ನೋವಿಲ್ಲ
ಅಳಿದು ಹೋದರು ಚಿತ್ತಕೊತ್ತಡವು ಇಲ್ಲಾ….
.
ಯಾವ ನೋವಿಲ್ಲದಿರೆ ನಿರ್ಲಿಪ್ತ ಮೌನಗಳೆ ಅಂತರಂಗದ ಒಳಗೆ ಸುತ್ತುತಿಹುದೂ..

ಮನಸ್ಸಿನೊಳಗೇ ಅವಿತ ಮುತ್ತುಗಳು ಚಿಪ್ಪೊಡೆದು ಹೊರಬರಲು ತವಕಿಸುತ ಕಾಯುತಿಹುದೂ……

-ಪ್ರಮೀಳ ಚುಳ್ಳಿಕಾನ.
.

1 Response

  1. Avatar Shankara Narayana Bhat says:

    ಕವಿತೆ ಹುಟ್ಟುವ ಸಮಯವೂ ಕವಯಿತ್ರಿ ಚೆನ್ನಾಗಿ ಹೇಳಿದ್ದಾರೆ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: