ಕೇರಳದ ಕಥಕ್ಕಳಿ…!
ತುಂಬು ವೈವಿಧ್ಯಮಯ ರಂಗಿನಾಲಂಕಾರ
ಸಾಂಪ್ರದಾಯಿಕ ನೃತ್ಯ ಕಥಕ್ಕಳಿ ಸಾಕಾರ
ಕೇರಳದ ಜನತೆಯಲಿ ಹಾಸುಹೊಕ್ಕಿರೆ ಸಾರ
ನಟನೆಯ ಈ ನೋಟ ನಯನ ಮನೋಹರ
ಚೆಂಡೆ,ತಾಳ ಲಯಬದ್ಧ ಹಾಡು ಚಂದ
ಅಕ್ಷಿ,ಆಂಗಿಕಾಭಿನಯ ನೋಡಲಾನಂದ
ಪೌರಾಣಿಕಾ ನೆಲೆಯ ಕಥನ ಕಥಕ್ಕಳಿಯು
ಕರಾವಳಿ ಕೇರಳದ ಜಾನಪದ ಕಲೆಯು
ದಿನ ದಿನದ ದುಡಿತಗಳಿಗೆ ಬೇಕು ವಿಶ್ರಾಂತಿ
ಶ್ರೀಮಂತ ಕಲೆಗಳಲಿ ಸಿಗಲು ಮನಃಶಾಂತಿ
ನವರಸಗಳಲಿ ನಲಿವ ಈ ದಿವ್ಯ ನೋಟ
ನಿರುತ ನಡೆಯಲಿ ಭವ್ಯ ಕಥಕ್ಕಳಿಯಾಟ
– ಶಂಕರಿ ಶರ್ಮ, ಪುತ್ತೂರು.
ದಿನದಿನದ ದುಡಿತಗಳಿಗೆ ವಿಶ್ರಾಂತಿ ಬೇಕು. ಆದರೆ ಶ್ರೀಮಂತ ಕಲೆಗಳು ನಮಗೆ ಮನ:ಶಾಂತಿ ಒದಗಿಸುತ್ತವೆ, ಮೇಡಮ್ ಶಂಕರಿ ಪುತ್ತೂರು, ಅವರ ಬರಹ ಚೆನ್ನಾಗಿದೆ. ಅವರು ಕೇರಳದಲ್ಲಿ ಇದ್ದರೋ ಅಥವಾ ಪ್ರವಾಸ ಮಾಡಿ ತಿಳಕೊಂಡರೊ ಎಂದು ಸಂಶಯ ಬರುತ್ತದೆ.