ಮಹಾಗಣಪತಿ ನಮೋಸ್ತುತೇ…

Share Button

ಮಾತೆ ಮೈಯಲಿನ ಮಲಿನದಿಂದಲೆ
ರೂಪ ಪಡೆದೆ ನೀ ವಿನಾಯಕ
ಪಿತನ ತಡೆದೆ ನೀ, ಆ ಕೋಪಾಗ್ನಿಯಲಿ
ಶಿರವ ಕಳೆದೆ ನೀ ನಿಯಾಮಕ

ಸತಿಯ ಮಾತಿಗೆ ಒಲಿದು ಶಿವನು ತಾ
ಗಜ ಮುಖ ಜೋಡಿಸಿ ಬದುಕಿಸಿದ
ಗಣಗಳ ಅಧಿಪತಿಯಾಗಲು ಹರಸುತ
“ಮೊದಲ ಪೂಜೆ” ದಯಪಾಲಿಸಿದ

ಉದರದಿ ತುಂಬಿದ ಕಡುಬು ಕಜ್ಜಾಯ
ಬಿರಿದು ಬಿದ್ದಿತೇ.. ಗಜಾನನ?
ಚೌತಿಚಂದ್ರ ತಾ ಕಿಸಕ್ಕನೆ ನಕ್ಕನು
ನೋಡಿ ಮೂಷಿಕ ವಾಹನನ

ಚೆಲ್ಲಿದ ತಿಂಡಿಯ ತುಂಬಿಸಿ ಬಿಗಿದ
ಬಳಿಯಲಿ ಸುಳಿದ ನಾಗರನ
ಕೋಪದಿ ಚಂದ್ರಗೆ ಶಾಪವ ಒಗೆದ
ಅಪವಾದವು ನೋಡಿರೆ ಚೌತಿ ದಿನ

ಅಪವಾದವು ತಪ್ಪದು  ಚಂದಿರ ಮೊಗವ
ನೋಡಿರೆ ಚೌತಿಯ ದಿನದಲ್ಲಿ
ಶ್ಯಮಂತಕ ಮಣಿಯ ಕದ್ದಪವಾದವ
ನೀಗಿದ ಮುರಳಿಯು ಕಷ್ಟದಲಿ

ಸಕಲ ಕಾರ್ಯಗಳ ಸಿದ್ಧಿಗೆ ಗಣಪನ
ಭಕುತಿಲಿ ಪೂಜಿಸೆ ಶುಭ ಕೊಡುವ
ಶಾಂತಿ, ನೆಮ್ಮದಿ, ಸುಖ,ಸೌಹಾರ್ದವ
ಬೇಡುತ ನಾವು ಪೊಡಮಡುವ.

-ಶಂಕರಿ ಶರ್ಮ, ಪುತ್ತೂರು.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: