ಕಾಮನಬಿಲ್ಲು 

Share Button

ನೀಲ ನಭ, ನವಿರು ಹಾಳೆ
ಮಳೆ ಬೆಳಕಿನ ಸಂಯೋಗ ಲೀಲೆ
ಸೃಜಿಸಿದಿದೋ ಕಾಮನಬಿಲ್ಲು
ನೋಡುಗರ ಹೃನ್ಮನಗಳಲ್ಲೂ

ಕಿರಣಸ್ಪರ್ಶದಿಂದ ಬಣ್ಣ
ಸ್ಪುರಿಸಿತೇನು ನೀರ ಕಣ್ಣ
ದಿಕ್ಕುಗಳಿಗೆ ಸೇತುವಾಗಿ
ಬಾಂದಳದಿ ಕೇತುವಾಗಿ

ಹನಿಯ ಕೆನ್ನೆ ಮೆಲ್ಲ ಸವರಿ
ಮುತ್ತನಿತ್ತ  ರವಿಯ ಪರಿ
ಹಿಡಿಸಿತೇನ ಪ್ರೀತಿ ಗುಂಗು
ಏರಿತೇನ ಕೆನ್ನೆ ರಂಗು

ರಜವ ತೊಳೆದು ತಮವ ತುಳಿದು
ಸಪ್ತವರ್ಣದ ಸತ್ವ ಬಳಿದು
ಬಾಳಿನೋಟನೋಟಗಳಲಿ
ಇಂದ್ರಧನುವು ಮೂಡುತಿರಲಿ

 

 – ಚಿತ್ತರಂಜನ್

1 Response

  1. ಎಸ್ ಎ ಕಾಂತಿ says:

    ಸಾಮಾನ್ಯವಾಗಿ, ಬಾಲ ಸಾಹಿತ್ಯಕ್ಕೆ ಮಾತ್ರ ಸೀಮಿತವಾಗಿರುವ ಕಾಮನಬಿಲ್ಲಿನಲ್ಲಿ ಅದ್ಭುತ ಪದಪುಂಜಗಳನ್ನು ಬಳಸಿಕೊಳ್ಳುವುದರೊಂದಿಗೆ ಪ್ರಬುದ್ಧ ಕವಿತೆಯೊಂದರ ಜನ್ಮಕ್ಕೆ ಕಾರಣವಾಗಿದೆ. ಇನ್ನೊಂದಿಷ್ಟು ಕವಿತೆ ಉದ್ದಮಾಡಬಹುದಾಗಿತ್ತೇನೊ……………? ಶುಭವಾಗಲಿ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: