ಸಪ್ತ ಸುಪ್ರಭಾತ ಸರಮಾಲೆ…!!!

Share Button

1

ನೀಲಿ ಆಕಾಶದಲಿ ತಾರಾ ಲೋಕದಲಿ

ಚಂದಿರನು ನಸುನಗುತ ಬಂದ

ಮಬ್ಬುಗತ್ತಲಿನ  ತೆರೆ ಸರಿಯೆ ನೋಡಲ್ಲಿ

ಆ ಸೂರ್ಯ ಕಿರಣಗಳು ಚಂದ..!

2

ಮೂಡಿದನು ರವಿತೇಜ ಮೂಡು ಬಾನಂಗಳದಿ

ಬಿಳಿ ಮೋಡಗಳೆಡೆಯಿಂದ ಮೆಲ್ಲ ಮೇಲೆ

ನೋಡು ನೋಡುತ ಸರಿದ ಬಣ್ಣ ಮೇಲಿದು ಹಳದಿ

ಕಣ್ತುಂಬಿಕೊಳ್ಳೆ ತಾ ಇದು ಜಗದ ಶಾಲೆ..!

3

ಗಿರಿಶಿಖರ ಮೇಲಿಂದ ನೇಸರನು ಮೂಡಿಬರೆ

ಗರಿಮೂಡಿ ಮನಹಕ್ಕಿ ತಾನು ಕೂಗಿ ಕರೆ

ನವಿರಾದ ತಂಗಾಳಿ ತೇಲಿ ಮುಂದುಬರೆ

ಶುಭದಿನಕೆ ಶುಭ ಕೊರುವಾ ಮನ ಬರೆ…

4

ಬಾನಂಗಳದಲಿ ತೇಲಿಬರೆ ಕರಿಮೋಡಗಳ ಸಾಲು

ಮನೆಯಂಗಳದಲಿ ಬೀಳೆ ಹನಿ ನೀರ ಪಾಲು

ಹಸಿರುಸಿರಿ ಕಂಗೊಳಿಸೆ ತಂಪೆರೆದ ಈ ಮಳೆಗೆ

ಶುಭ ಕೋರೆ ಸೂರ್ಯ ಬರೆ ಕಂಗೊಳಿಪ ಇಳೆಗೆ

5

ಬೆಳ್ಳಿತೇರನು ಏರಿ ಬಂದನದೊ ಆದಿತ್ಯ

ಉಷೆ ಕುಂಚ ಆಡಿಸಿರೆ ಚಿತ್ರ ಸತ್ಯ

ಪ್ರಕೃತಿಯ ವೈಭವವು ತಾ ಚಿರ ವೈಚಿತ್ರ್ಯ

ಮನದುಂಬಿ ಅನುಭವಿಸೆ ಅದು ನಿತ್ಯಸತ್ಯ

6

ನಿಶೆಯ ಓಡಿಸಲು ತಾ ಉಷೆ ಮೂಡಿ ಬಂದಾಗ

ಹಕ್ಕಿಗಳ ಚಿಲಿಪಿಲಿಯೆ ಉದಯರಾಗ

ಮನದ ನಿಶೆ ತೊಲಗಿಸಲು ರಾಮ ತಾ ಬಂದಾಗ

ಮನದ ಹಕ್ಕಿಗಳಿಗದೆ ಪುಣ್ಯರಾಗ

7

ಭಾನುವಿನ ಹೊಂಗಿರಣ ಸೂಸಿ ಮೂಡಲದಿ

ಕತ್ತಲನು ಕಳೆದು ತಾ ಭುವಿಯು ಬೆಳಗೆ

ಪಕ್ಷಿಸಂಕುಲವು ತಾ ಉದಯರಾಗವ ಹಾಡಿ

ಮನಸೆಂಬ ಹೂವರಳಿ ಮುಖವು ಬೆಳಗೆ

.

 

– ಶಂಕರಿ ಶರ್ಮ, ಪುತ್ತೂರು.

2 Responses

  1. Venkataramaiah Mirlesri says:

    ಚೆನ್ನಾಗಿದೆ!

  2. Shankari Sharma says:

    ಮೆಚ್ಚುಗೆಗಾಗಿ ಧನ್ಯವಾದಗಳು

Leave a Reply to Shankari Sharma Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: