ನುಗ್ಗೆಕಾಯಿಯ ಸೂಪ್

Share Button

ಹಸಿವನ್ನು ಹೆಚ್ಚಿಸುವ ವಿವಿಧ ಸೂಪ್ ಗಳು ನಾಲಿಗೆಗೂ ರುಚಿ, ಆರೋಗ್ಯಕ್ಕೂ ಹಿತ. ವರ್ಷದ ಹೆಚ್ಚಿನ ಋತುಗಳಲ್ಲೂ  ಸಿಗುವ ಸುಗ್ಗೆಕಾಯಿಯ ಸೂಪ್ ಮಾಡಿ ಕುಡಿಯಬಹುದು:

ಬೇಕಾಗಿರುವ ಸಾಮಗ್ರಿಗಳು:

  • ನುಗ್ಗೆಕಾಯಿ : 5
  • ತುಪ್ಪ : 2 ಚಮಚ
  • ಅಕ್ಕಿ ಹಿಟ್ಟು :  1 ಚಮಚ  (ಅಕ್ಕಿ ಹಿಟ್ಟಿನ ಬದಲು ಮೈದಾ, ರಾಗಿ, ಕೋರ್ನ್ ಫ್ಲೋರ್ ಇತ್ಯಾದಿ ಕೂಡಾ ಬಳಸಬಹುದು)
  • ರುಚಿಗೆ ತಕ್ಕಷ್ಟು : ಉಪ್ಪು, ಪೆಪ್ಪರ್ ಪೌಡರ್
  • ಹೆಚ್ಚಿದ ನಿಂಬೆ ಹಣ್ಣು : ಅರ್ಧ
  • ಕರಿದ ಬ್ರೆಡ್ ಚೂರುಗಳು : ಸ್ವಲ್ಪ
  • ಕೊತ್ತಂಬರಿ ಸೊಪ್ಪು : ಸ್ವಲ್ಪ

 

ತಯಾರಿಸುವ ವಿಧಾನ:

  1. ಮೊದಲು ನುಗ್ಗೆಕಾಯಿಗಳನ್ನು ಹೆಚ್ಚಿ, ಹೋಳುಗಳು ಮುಳುಗಷ್ಟು ನೀರು ಹಾಕಿ ಕುಕ್ಕರಿನಲ್ಲಿ ಒಂದು ವಿಸಿಲ್ ಬರುವಲ್ಲಿ ವರೆಗೆ ಬೇಯಿಸಿ. ಬಿಸಿ ಆರಿದ ಮೇಲೆ ಹೋಳುಗಳನ್ನು ಹಿಂಡಿ, ನುಗ್ಗೆಕಾಯಿಯ ತಿರುಳನ್ನು ಬೇರ್ಪಡಿಸಿ ಒಂದು ಪಾತ್ರೆಯಲ್ಲಿ  ಶೇಖರಿಸಿ.
  2. ಅಕ್ಕಿಹಿಟ್ಟನ್ನು ಬಾಣಲೆಗೆ ಹಾಕಿ, ಎರಡು ಚಮಚ ತುಪ್ಪ ಸೇರಿಸಿ, ಸಣ್ಣ ಉರಿಯಲ್ಲಿ ಕಂದು ಬಣ್ಣ ಬರುವಷ್ಟು ಹುರಿಯಿರಿ.
  3. ಹುರಿದ ಅಕ್ಕಿ ಹಿಟ್ಟನ್ನು, ನುಗ್ಗೆಕಾಯಿಯ ತಿರುಳಿಗೆ ಸೇರಿಸಿ ಸೂಪಿನ ಹದಕ್ಕೆ ನೀರು ಬೇಕಿದ್ದರೆ ಸೇರಿಸಿ ಕುದಿಸಿ.
  4. ರುಚಿಗೆ ತಕ್ಕಷ್ಟು ಉಪ್ಪು, ಪೆಪ್ಪರ್ ಬೆರೆಸಿ.
  5. ನಿಂಬೆರಸ ಸೇರಿಸಿ.
  6. ಹೆಚ್ಚಿದ ಕೊತ್ತಂಬರಿ ಸೊಪ್ಪು ಮತ್ತು ತುಪ್ಪದಲ್ಲಿ ಕರಿದ ಬ್ರೆಡ್ ಚೂರುಗಳನ್ನು ಸೇರಿಸಿ ಸವಿಯಲು  ಕೊಡಿ.

 

 – ಪ್ರಸನ್ನ ನಂಬೀಶನ್ , ಮೈಸೂರು

 

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: