ಅಪ್ಪನೆಂಬ ಅಪೂರ್ವ ಅಧ್ಯಾಯ

Share Button

ಅಪ್ಪನೆಂಬ  ಅದ್ಭುತವ
ಏನೆಂದು ಹಾಡಲಿ
ಅದು ಎಂದೂ ಮರೆಯದ
ಪಾತ್ರ ನನ್ನ ಬಾಳಲಿ

ಅಮ್ಮನ ಕರುಳ ಬಂಧ
ಅಪ್ಪನ ನೆರಳ  ಅನುಬಂಧ
ಆ ಎರಡು ತೀರದ ನಡುವೆ
ನಾ ಹರಿವ ನೀರ ನಿನಾದ

ಅಪ್ಪ ಎನ್ನಲು ಏನೋ ಬಲ
ಅಪ್ಪನಿಂದಲೇ ಬದುಕೋ ಛಲ
ಅಪ್ಪ  ಎಂಬ ನಂಬಿಕೆಯ ಸೂರು
ಅಪ್ಪನಿರಲು ನನ್ನ ಮುಟ್ಟುವರಾರು

ಅಪ್ಪ  ನನ್ನ ಬದುಕ ಚೌಕಟ್ಟು
ಅಪ್ಪ ಇರಲು ತಲೆದೋರದು ಬಿಕ್ಕಟ್ಟು
ಅಪ್ಪ  ಎಂಬ ನಿಷ್ಠುರವಾದಿ
ಕಳೆವರು ನನ್ನ ಮನದ ಬೇಗುದಿ

ಈ ಬದುಕಿನ  ಆಧಾರ
ನೀಡಿದರು ಬಾಳ ಸಂಸ್ಕಾರ
ಅಪ್ಪನ ಬೆರಳ ಹಿಡಿದು ನಡೆದು
ಅಪ್ಪನಾಗಿಹೆ ಅವರಂತೆ ನಾನಿಂದು

ಅಪ್ಪ ಇಲ್ಲ  ಎಂಬ ನೋವು
ಯಾವ ಮದ್ದಿಂದಲೂ ಮಾಯದು
ಅಪ್ಪ  ನನ್ನ ಬಾಳಿನ ಬೆಂಬಲ
ಅವರು ಬದುಕಿನ ಅಪೂರ್ವ  ಅಧ್ಯಾಯ

 

 – ಅಮುಭಾವಜೀವಿ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: