ಮಾನವೀಯತೆ ಸತ್ತಿತ್ತು

Share Button

Amu Bhavajeevi- Appaji A Musturu

ಎಳೆಯ ಬಾಲೆಯ ಮೇಲೆ
ದುರುಳ ಕಾಮುಕನೆರಗಿ
ಅತ್ಯಾಚಾರಗೈಯುವಾಗ
ಮಾನವೀಯತೆ ಸತ್ತಿತ್ತು

ತನ್ನನ್ನು ನಂಬಿ ಬಂದ
ತನ್ನ ಮನೆ ಬೆಳಗುವವಳನ್ನು
ವರದಕ್ಷಿಣೆಗಾಗಿ ಹಿಂಸಿಸುವಾಗ
ಮಾನವೀಯತೆ ಸತ್ತಿತ್ತು

ಮುದ್ದಿನಿಂದ ಸಲುಹಿದ
ಹೆತ್ತವರ ಮಗ ನಡುರಾತ್ರಿಯಲ್ಲಿ
ನಡುಬೀದಿಗೆ ತಳ್ಳುವಾಗ
ಮಾನವೀಯತೆ ಸತ್ತಿತ್ತು

ಹಸಿವಿನ ಜನ ತತ್ತರಿಸಿರಲು
ಉಳ್ಳವರು ಪ್ರತಿಷ್ಟೆಗಾಗಿ
ಅನ್ನವನು ತೊಟ್ಟಿಗೆಸೆವಾಗ
ಮಾನವೀಯತೆ ಸತ್ತಿತ್ತು

ತನ್ನ ನಂಬಿದ ಜೀವವನ್ನು
ಬಾಯಿ ಚಪಲಕ್ಕಾಗಿ
ದೇವರ ಹೆಸರಲ್ಲಿ ಬಲಿ ನೀಡುವಾಗ
ಮಾನವೀಯತೆ ಸತ್ತಿತ್ತು

ಅಸಹಾಯಕರ ಮೇಲೆ
ಅಟ್ಟಹಾಸ ಮೆರೆದು
ಅವಹೇಳನಗೈಯ್ಯುವಾಗ
ಮಾನವೀಯತೆ ಸತ್ತಿತ್ತು

 – ಅಮು ಭಾವಜೀವಿ

 

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: